کلکته نایټ رایډرز د IPL د جدول په سر کي دي
کلکته نایټ رایډرز د جدول اول مقام ته پورته سول.
د هند په (IPL) کي کلکته نایټ رایډرز یا KKR تر دې مهاله (۵) لوبي کړي او (۴) ئې ګټلي دي، چي په دې سره اوس دوی د جدول په اول مقام کي (۸) نمرې لري.
د کې کې آر پینځمه لوبه د راجستان رویالز سره وه، چي د (۸) ویکیټو په توپير ئې وګټل.
دا لوبه چي د IPL (۲۱مه) لوبه وه، اول بالینګ راجستان لوبغاړو پکښي وکئ او په شل آوره کې د (۳) ویکیټو په بایللو سره کې کې آر ته (۱۴۰) هدف ورکی.
د دوی په لوبغاړو کي (سټیون سمیت ۱۷۳) منډي وکړلې او د کې کې آر په بالرانو کي (هېري ګرني ۲) او (پراسید کرییشنا) یو ویکیټ واخیستی.
کله چي د کې کې آر لوبغاړي بېټینګ ته راغلل، نو ورکړل سوی هدف ئې په (۱۴) آوره کي د (۲) ویکیټو په بایللو سره ور پوره کئ او لوبه ئې د (۸) ویکیټو په توپير وګټل.
د دوی په لوبغاړو کي (کریس لین ۵۰ او سونیل ناراین ۴۷) منډي وکړلې او د راجیستان په بالرانو کي (شریاس ګوپال) دوه ویکیټه واخیستل.
د یادوني وړ ده، چي تر کې کې آر وروسته په دوهم مقام کي چینای سوپر کینګز هم (۸) نمرې لري.
