د کندهار په احمدشاهي سټوډیوم کي درې کاله وروسته د دې ولایت د A لوبډلو تر مینځ ټورنمینټ شروع سوی دئ.
په دې ټورنمینټ کي ۱۶ لوبډلو ګډون کړی دئ، چي مکملي (۱۲۰) لوبي به په دې لیګ کي کیږي.
په دې لیګ کي څلورمه لوبه د پامیر او اراکوزیا تر مینځ وه، چي ۵ پر ۲ پامیر وګټله.
د پامیر له پاره خیرالله هېټریک یا درې ګوله او دوه ګوله محمدنبي ولګول او د اراکوزیا له پاره یو ګول زلمي او بل بصیر احمد ولګوئ.
د یادوني وړ ده، چي په دې لیګ کي سبا افغان د اتحاد سره لوبه لري.