د ریال ماډریډ پر پخواني او د پورټو پر اوسني (۳۷) کلن ګولي (ایکر کازیاس) باندي په تمرین کي د زړه حمله راغله، چي د پيښي سره سم د کلب د مسئولینو له خوا روغتون ته یووړل سو او اوس ئې حالت سم دئ.
د کازیاس د خبر په اورېدلو سره د نړۍ ټولو مشهورو کلبونو او لوبغاړو د هغه د جوړېدلو او روغ صحت له پاره د ده سره د خواخوږۍ پوسټونه وکړل، خو څو ساعته وروسته کازیاس هم پر انسټاګرام، ټویټر او فېسبوک باندي د خپل حالت ډاډ ورکئ او وې ویل، چي اوس ئې ژوند له خطره وتلی دئ.
ایکر کازیاس د ریال سره تر درو چمپېنزلیګ ګټلو وروسته پرتګالي کلب پورټو ته ولاړی او هلته ئې تر یوه کال لوبي کولو وروسته خپل قرارداد یو کال نور هم و غځوئ، خو د کلب له خوا دا شرط هم پر ایښول سوی وو، چي موږ د یو کال نور تمدید حق هم لرو.
د یادوني وړ ده، چي کازیاس د دې فصل په پاتو لوبو کي نه سي لوبېدلای او د بیرته راتګ وخت ئې تر اوسه معلوم نه دئ.