واحد فقیري

د امریکا هوايي قوه وايي چي د مارچ په میاشت کي يې په افغانستان کي ۶۷۳ بمونه اچولي دي. دا بمونه د پیلوټ لرونکي او ډورن په ذریعه غورځول سوي دي. د امریکا هوايي قوه وايي چي د دې کال (۲۰۱۹) په اولو دریو میاشتو کي يې ۱۴۶۳ بمونه اورولي دي.(منبع:جېنز ډیفنس)

د امریکا د اردو لوی درستیز، جنرال جوزیف ډنفورډ وايي که څه هم طالبان له امریکا څخه غواړي چي خپل عسکر وباسي،‌ خو زموږ نظامي عملیات به د ټرورسټي ډلو پر ضد جاري وي. هغه وايي تر هغه وخته پوري چي په افغانستان کي د تروریزم خطر موجود وي، موږ به له افغانستانه و نه ځو. «پر دې موضوع باندي معامله نه کوو.» (منبع: واشنګټن ټایمز)
#DailyNews