رویټرز:
ټاکل سوې ده چي طالب چارواکي او یوه ډله افغانان به د جولای پر ۷ او ۸ په قطر کي د اعتماد سازي په مقصد سره وګوري.

ښايي څلوېښت تنه افغانان قطر ته ولاړ سي، خو هیڅوک به رسمي موقف و نه لري، بلکي په شخصي ظرفیت به ګډون په کښې وکړي.

پدې خبرو کي به د جرمن غیر دولتي سازمان، برګوف فاوندېشن، حرفه وي مینځګړي د بحث لپاره اسانتیاوي برابروي،‌ خو نوري چاري به يې ټول د افغانانو په لاس کوي، او د دې خبرو اصلي هدف د اعتماد د فضا جوړول دي.

پروفسور سلطان برکات په خپل ټویټر کي لیکي: قطر او جرمني په ګډه د جولای پر ۷ او ۸ باندي د بین الافغاني ډایالوګ کوربتوب کوي. موږ امید لرو چي دا خبري به رغنده او مثمري وي.