یو طالب چارواکي وايي چي د متحده ایالاتو او طالبانو تر مینځ له افغانستانه د امریکايي قواوو د وتلو پر سر اختلافات فیصله سوي دي. دغه راز، د افراطي ډلو سره د طالبانو د روابطو د پرې کولو او د ضمانت او تضمین ورکولو خبري هم پای ته رسېدلی دي دي.

امریکايي اړخ سمدستي دا خبري نه دي تصدیق کړي، او نه يې هم جزییات بیان کړي دي،‌ خو خلیلزاد د «فوق العاده» پرمختګ بیان کړی دی.‌

طالبانو د سې شبنې د ورځي په اعلامیه کي ګرده افغانان د بلي میاشتي د انتخاباتو تحریم ته هڅولي دي، او پر انتخاباتي کمپېن باندي يې د حملو ژمنه هم کړې ده.

طالبانو د سپټمبر د میاشتي انتخابات «قلابي» بللي دي. (اسوشیټیډ پریس)

د ناټو سرمنشي: د افغانستان د سولي معامله تر بل هر وخت رانژدې سوې ده

د ناټو سازمان سر منشي، ینس سټولټنبرګ، وايي په افغانستان کي د سولي واقعي چانس رامینځته سوی دی. هغه علاوه کوي،«موږ اوس په افغانستان کي د سولي واقعي چانس وینو. موږ د سولي معاملې ته تر بل هر وخت نژدې سوي یو.» هغه دا خبري په نیوزیلنډ کي وکړې.

واحد فقیري