نیویارک ټایمز لیکي ځیني غربي دپلوماتان وايي اشرف غني کوښښ کوي چي د خارجي قواوو د وتلو موافقه تر هغه وخته پوري وځنډوي چي دی د پنځو نورو کلونو لپاره د قدرت واګي په لاس کي واخلي.

خو غربي دپلوماتان او افغان سیاستوال اندېښمن دي چي جنجالي انتخابات به حالات لا خراب کړي، او د کابل حکومت به لا کمزوری کړي.

اخبار وايي چي غني د سولي موافقه د یوه ساعته لپاره مطالعه کړه، او وروسته يې بېرته خلیلزاد ته وسپارله. خلیلزاد مدام د دې موافقې یوه کاپي د ځان سره ګرځوي، او کله چي څوک کوم مشخص سوال ترې وکړي، هغه کاپي راواخلي، مطالعه يې کړي، او بیا جواب ورکړي. (سپټمبر ۵)