یوازي په تېره هفته کي، عراقي پولیسو لږ تر لږه ۹۱ تنه مظاهره چیان وژلي، او تر دوه زره زیات يې ټپیان کړي دي. خو د عراقیانو اعتراضونو لا زور کړی دی، او د اعتراض کونکو په مقابل کي د عراقي قواوو تشدد جهانیان دېته مجبور کړل چي د عراقي ځواکونو دا خشن اعمال وغندي.

د عراقیانو دا یو ناڅاپه اعتراضونه داښيي چي عام خلګ د عراق د فاسد حکومت له بې غوریو څخه پزي ته رسېدلي دي.

عراقي اعتراض کونکو د عراق صدراعظم دېته مجبوره کړ چي د مظاهره چیانو سره وګوري، او د هغوی مطالبې واوري.

د عراق ټاپ شیعه روحاني مشر، آیت الله علي سستاني، د حکومت تشدد غندلی دی.

نوټ: د عراق عمومي مدني اعتراضات دا څرګندوي چي کله یو ویښ ولس د خپلو حقوقو لپاره سره منظم او منسجم سي، د هغوی په مقابل کي هیڅ طاقت د مقاومت تاب نه لري. سمدستي د جهان خواخوږي او حمایت خپل وي. او په هیواد کي د اصلاح او پرمختګ سبب ګرځي.