هند ته د افغانستان د ځمکنیو صادراتو لومړی کاروان په رسمي مراسمو د نیمروز ولایت له زرنج نه د ایران چابهار بندر ته وخوځېد. د څه باندې ۲۰ باري ګاډو په دغه کتار کې ۵۷۰ ټنه مال بار دی.

له ورېښم بندره چابهار بندر ته د افغانستان لومړی سوداګریز کاروان د ولسمشر غني له خوا د نیمروز ولایت د مشرانو او چارواکو په شتون کې وخوځېد.

دغو مراسمو کې له ولسمشر غني او پلاوي سره یې په کابل کې د هند سفیر هم ملګری دی.

ولسمشر غني په دې اړه جوړو شویو مراسمو کې کې وویل “نن نیمروز له یوه محروم ولایته یوه کلیدي ولایت ته تبدیلېږي. “