ویاریال ګټلې بازي د بارسلونا سره مساوي کړه.
د هسپانیې د لالیګا په (۳۰مه) اونۍ کي ویاریال چي په جدول کي د پای د خوا څلورم دئ، د بارسلونا سره ۴ پر ۴ لوبه مساوي کړه.
په دې لوبه کي بارسلونا تر (۱۶م) دقیقې پوري دوه ګوله ویاریال ته ورکړي وه، خو تر ګولونو خوړلو وروسته د ویاریال لوبغاړو لوبه زوروره کړه او تر (۸۰یمي) دقیقې ئې څلور ګوله بارسلونا ته ورکړل، چي په دې سره ئې نتیجه ۴ پر ۲ په ګټه سوه، خو کله چي په (۸۶یمه) دقیقه کي د ویاریال (الوارو ګونزالیز) ته سور کارډ ورکول سو او د دوی لوبغاړي لس کسه سول، چي وروسته په (۹۰یمه) دقیقه کي د بارسلونا (لیونل مېسي) یو ازاد بال ډېر جالبه ګول کئ او تر ده وروسته په (۹۴یمه) دقیقه کي لوویز سواریز هم یو ګول ویاریال ته ورکی او بایللې لوبه ئې بارسلونا ته د (۱۹۵۱۵) مینه والو په موجودیت کي ور مساوي کړه.
د یادوني وړ ده، چي بارسلونا د لالیګا د جدول په اول مقام کي (۷۰) نمرې او ویاریال په (۱۷) مقام کي (۳۰) نمرې لري.