رویال چلېنجرز بېنګلور په IPL کي شپږمه لوبه هم بایلل.
په اینډیين پرېمییرلیګ کي د دوو مشهورو بېټسمینانو ویرات کهولي او (اې بي ډي ويلييرز) لوبډلي آرسي بي په دې لیګ کي یوه لوبه هم نه ده ګټلې او نن ئې خپله شپږمه لوبه هم پر ډهلي کپيټلز د (۴) ویکیټو بّ په توپير بایلل.
په دې لوبه کي اول بېټینګ د آر سي بي لوبغاړو وکی او په شل آوره کې د (۸) ویکیټو په بایللو سره ډهلي لوبغاړو ته (۱۵۰) هدف ورکئ.
د دوی په لوبغاړو کي ویرات کهولي (۴۱) منډي وکړلې او د ډهلي په بالرانو کي (کاګیسو رباډا ۴، کریس موریس ۲) او اکشر پټېل و سندیپ یو یو ویکیټ واخیستی.
کله چي د ډهلي لوبغاړي بېټینګ ته راغلل، نو ورکړل سوی هدف ئې تر (۱۹) آوره د ۶ ویکیټو په بایللو سره ور پوره کی او لوبه ئې د (۴) ویکیټو به توپیر وګټل.
د دوی په لوبغاړو کي (شریاس آیر ۶۷) منډي وکړلې او د آر سي بي په بالرانو کي (نوودیپ سایني ۲) او (ټیم ساودي، مووین علي، محمد سیراج او پَوَن نیګي) یو یو ویکیټ واخیستی.
د یادوني وړ ده، چي آر سي بي د جدول په آخیر مقام کي صفر او ډهلي په پینځم مقام کي ۶ نمرې لري.