د هند په پرېمييرلیګ کي (۳۸مه) لوبه د دوو زورورو لوبډلو کلکته نایټ رایډرز او سنرایزرز حیدراباد تر مینځ وه، چي د (۹) ویکیټو په توپیر سنرایزرز وګټل.
په لوبه کي اول بېټینګ د کې کې آر لوبغاړو وکئ او په شل آوره کې د (۸) ویکیټو په بایللو سره سنرایزرز ته (۱۶۰) هدف ورکئ.
د دوی په لوبغاړو کي (۵۱) منډي وکړلې او د سنرایزرز په بالرانو کي (خلیل احمد ۳، بونېشور کمار ۲) او راشد خان و سندیپ شرما یو یو ویکیټ واخیستی.
کله چي د سنرایزرز لوبغاي بېټینګ ته راغلل، نو ورکړل سوی هدف ئې په (۵) آوره کي د (۱) ویکیټ په بایللو سره ور پوره کئ او لوبه ئې د (۹) په توپير داسي وګټل، چي ۵ آوره لا پاته سول.
د دوی په لوبغاړو کي (جاني بېرسټوو ۸۰ او ډېویډ وارنر ۶۷) منډي وکړلې.
د یادوني وړ ده چي سنرایزرز اوس د جدول په څلورم مقام کي تر ۹ لوبو وروسته (۱۰) نمرې او کلکته په شپږم مقام کي تر (۱۰) لوبو وروسته (۸) نمرې لري.