د انګلستان د پرېمييرلیګ په (۳۵مه) اونۍ کي چېلسي په خپل کورني سټوډیوم (سټامپرډ برېج) کي د برنلي سره لوبه درلودل، چي ۲ پر ۲ ئې ور سره مساوي کړه او په جدول کي درېیم مقام ته پورته نه سول، خو که چيري دوی دا لوبه ګټلې وای، نو د ټوټینهام څخه به پورته سوي وای او چمپېنزلیګ ته د تګ چانس بې نور هم زیات سوی وای.
د دې لوبي په اولو (۲۴) دقیقو کي (۴) ګولونه د دواړو لوبډلو له خوا ولګېدل.
اول ګول په (۸مه) دقیقه کي د برنلي (جيف هېنډریک) ولګوی، خو وروسته په (۱۲مه) دقیقه کي د چېلسي (اینګولو کانټې) او په (۱۴مه) کي (ګونزالو هیګوايين) ګولونه ولګول او لوبه ئې ۲ پر ۱ کړه، خو په (۲۴مه) دقیقه کي د برنلي (اېشلي بېنیز) یو ګول چېلسي ته ورکی او لوبه ئې مساوي کړه، چي په داغه نتیجه هم د (۴۰۶۴۲) مینه والو په موجودیت کي خلاصه سوه.
د یادوني وړ ده، چي د هر لیګ اول، دوهم او درېیم مقام لوبډلي سیده چمپېنزلیګ ته وزي.