د انګلستان د پرېمیيرلیګ په (۳۶مه) اونۍ کي لېسیسټر سیټي په خپل کورني سټوډیوم (کینګ پاور) کی د آرسینال سره لوبه درلودل، چي ۳ پر صفر کوربه لوبډلي لېسیسټر وګټل.
د دې لوبي د شروع په ۱۳مه دقیقه کي د آرسینال (مېټلېنډ نایلز) ته د رېفري له خوا سور کارډ ور کول سو، خو بیا هم اوله نیمایي صفر پر صفر مساوي سوه، اما په دوهمه نیمایي کي د لېسیسټر (یوري ټایليزمانز) یو ښه ګول آرسینال ته ورکئ او لوبه ئې ۱ پر صفر کړه.
تر ده وروسته د لېسیسټر جېمي وارډي په (۸۶یمه) او (۹۵یمه) دقیقه کي دوه ګولونه آرسینال ته ورکړل او لوبه ئې د (۳۲۰۳۷) مینه والو په موجودیت کي لېسټر ته ور وګټل.
د یادوني وړ ده، چي آرسینال اوس د جدول په (پینځم) مقام کي (۶۶) نمرې لري، خو که چیري نن مانچیسټریونایټیډ د چېلسي څخه لوبه وګټي، نو دوی به شپږم مقام ته کښته سي او یونایټیډ به پینځم ته پورته سي.