د انګلستان د پرېمييرلیګ په (۳۶مه) اونۍ کي مانچیسټریونایټیډ په خپل کورني سټوډیوم اولډ ټرافورډ کي د چېلسي سره لوبه درلودل، چي ۱ پر ۱ ئې د مېلمه کلب سره مساوي کړه.
د دې لوبي د شروع په ۱۱مه دقیقه کي د یونایټیډ (خوان ماټا) یو ښه ګول یونایټیډ ته ورکئ او لوبه ئې ۱ پر صفر کړه، خو په (۴۳مه) دقیقه کي د چېلسي (مارکز الانسو) د یونایټیډ د ګولي (ډېویډ ډې خیا) د غلطي څخه ښه استفاده وکړه او یونایټیډ ته ئې ګول ورکئ، چي په دې سره ئې لوبه ۱ پر ۱ مساوي کړه.
په دوهمه نیمايي کي د یوې لوبډلي له خوا هم ګول نه دئ لګېدلی او لوبه داغسي مساوي د (۷۴۵۲۴) مینه والو په موجودیت کي خلاصه سوه.
د یادوني وړ ده، چي چېلسي اوس د جدول په څلورم مقام کي (۶۸) او یونایټیډ په شپږم مقام کي ( ۶۵) نمرې لري.