د کریسټیانو رونالډو نوی کلب یوونتوس د سیریا آ په هغو لوبو کي بېله ماتي روان دئ، چي رونالډو پکښي لوبېدلی دئ، یعني رونالډو په سیریا آ کي یوه لوبه هم نه ده بایللې.
یوونتوس که څه هم سیریا آ ګټلې ده او په دې فصل کي ئې تر اتم وار ګټلو وروسته زیات ریکارډونه هم جوړ کړل، خو بیا ئې هم هغه دوې لوبي چي رونالډو پکښي موجود نه وو، وبایللې.
د یوونتوس اوسنۍ لوبه د ټورینو سره وه، چي ۱ پر ۱ مساوي سوه.
په دې لوبه اول ګول د ټورینو (ساسا لوکیچ) یوونتوس ته په (۱۸مه) دقیقه کي ورکئ، خو په (۸۴یمه) دقیقه کي کریسټیانو رونالډو یو بال په هیډ ګول کئ او لوبه ئې د (۳۸۵۳۰) مینه والو په موجودیت کي یوونتوس ته ور مساوي کړه، چي په دې سره رونالډو هم بېله ماتي تر اوسه روان دئ.
د یادوني وړ ده، چي د یوونتوس را روانه لوبه د روما سره ده.