ټاکل سوې ده چي نن به زلمی خلیلزاد له طالبانو سره تر یوې لنډي وقفې وروسته بیا خبري پیل کړي.

دغه شپږم پړاو مذاکرات چي په قطر کي د امریکا د ځانګړي استازي زلمي خلیلزاد او طالبانو ترمنځ د تېري پنجشنبې په ورځ پیل سوي وه، پرون د روژې په مناسبت د یوې ورځي لپاره وځنډېدل.

زلمی خلیلزاد وايي چي په دغه دور خبرو کي به ډیر تمرکرز پر بین الافغاني خبرو، د تروریزم پر وړاندي د مبارزې پر تضمین، له افغانستان څخه د بهرنیو ځواکونو پر وتلو او پر هر اړخیز اوربند وي.

بلخوا د افغان حکومت اجرائیه رئیس ډاکتر عبدالله عبدالله هیله څرګنده کړې چي وروستي مذاکرات به د لاسته راوړنو ډک وي او دوئ ئې مثبتي نتیجې ته سترګي په لاره دي.