د قطر اووم روانډ‌ خبري د شبنې په ورځ شروع سوې، او انتظار کېږي چي تر بلي هفتې پوري به دوام ولري.

طالبان وايي تر هغه وخت به اور بند و نه کړي، تر څو د خارجي قواوو وتل حتمي سوي نه وي. دغه راز د اشرف غني سره به هم د جمهورریس په صفت و نه ګوري، ځکه طالبان غني د امریکا ګوډاګي ګڼي.

پامپیو ویلي دي چي د طالبانو سره د سولي موافقه د سپټمبر تر اولي مخکي ممکنه ده.

امریکايي سیاسي ماهر،‌مایکل کوګلمېن،‌وايي،«د سپټمبر د اولي خبره ډېره ساده ده: او هغه دا چي جمهورریس ټرمپ غواړي چي له افغانستانه راووزي، او ترمپ غواړي چي یوه موافقه ژر تر ژره وسي.» (اسوشیټیډ پریس)