د افغانستان د بهرنیو چارو وزیر محمد حنیف اتمر په سعودي عربستان کې د اسلامي پراختیا د بانک له مشر بندر حجار سره په افغانستان کې د پراختیایي پروژو پر تمویل خبرې وکړې.

محمد حنیف اتمر په درې ورځني سفر سعودي عربستان ته لاړ.

د بهرنیو چارو وزارت ویاند ګران هېواد وویل: “د دې سفر موخه د دواړو هېوادونو ترمنځ د دوه اړخیزو اړیکو پراختیا، د افغانستان د سولې له پروسې د سعودي له ملاتړه قدرداني او د اقتصادي او تجارتي اړیکو پراختیا ده.”

سعودي عربستان تر دې مخکې په وار وار د افغان دولت په مشرۍ د سولې پروسې ملاتړ څرګند کړی و.